KİYAT FAYDALI ERİ KAPLAYACEK!

Azerbaycanda tipardan çıktı pek meraklı bir kiyat. Nicä belli kiyadın adından, orada annadılêr UYGUR, GAGAUZ, POYRAZ KAFKAZ türklerin folkloru hem literaturası. Kiyadın avtoru Ali ŞAMİL, Azerbaycan MAE Folklor İnstitutun baş zaametçisi.

Kiyatta seftä en derindän incelener bu halkların folkloru, yapılêr literatura anlizi, veriler yazıcıların adları, biografiyaları, yazılarından örneklär. Kiyadın “En genç literatura – gagauzların literaturası” bölümdä, üzä yakın sayfada, aaraştırılmış gagauz literaturasının peydalanması, üüselmesi hem ilerlemesi. İnanêrız, ani o kaplayacek kendi faydalı erini bizim literaturamızın sayfalarında.

Qaqauz elində çıxan "Ana sözü" qəzetindən