“Azərbaycan elmi XXI əsr: problemlər və perespektivlər” mövzusunda seminar

19 oktyabr 2009-cu il tarixində Qafqaz Universitetinin Ədəbiyyat klubunda “Azərbaycan elmi XXI əsr: problemlər və perespektivlər” mövzusunda seminar təşkil olunmuşdur. Seminarın məruzəçisi AMEA-nın Rəyasət Heyətinin elmi katibi, Folklor institutunun əməkdaşı Sərxan Xavəri mövzunun bütün aspektlərinə işıq salaraq geniş təhlillər etmişdir.
Problemlə bağlı geniş bilgilərə malik olan natiq əvvəlcə dünyada elmin müasir səviyyəsi, Avropa və Amerika təcrübəsində elmə verilən qiymət, elm adamlarının cəmiyyətdə qazandığı ictimai dəyər barədə məlumat verərək auditoriyada mövzu barədə tanışlıq yaratmışdır. Sonra isə Azərbaycan elmi və onun keçdiyi inkişaf yolu, çağdaş durumu, maddi-mənəvi aspektdən qiymətləndirilməsi kimi aktual məsələlərə nəzər salınmışdır. Məruzədə, ümumilikdə, Azərbaycan elminin problemləri və perespetivləri barədə də geniş dəyərləndirmələr yer almışdı.

AMEA Folkor İnstitutu Mətbuat Katibi Hikmət Quliyev